Search
  • Jamil Doaihi

كلود ناصيف حرب: مين بيسْرق القمَر؟


أنا والورد الأحمَر

نغمة حب

وخمر الجمال المعتّق.

الورده ما بتموت

والعبير ما إلو زمان...

وحبّي إلك متل السما والأرض

والحور بالوديان...

وهيك عا طول بحبك...

في وجع بيوجّع الروح

وفي وجع بيوقّف دقات القلب

وهيك مسافرين ببحور الدني

مع سفينة الأيام

ما منعرف لوين بياخذنا المشوار...

بس إنت وجعك غير...

مطرحو غميق...

وإذا طلع الضو...

بخاف ينسرَق عا غفله

متل قمر هاك البحيره.

مين بيسرق القمر من البحيره؟

وهوّي بالسرّ بينزل

وبيسبح عا الحرير الغالي...

وما حدا بيعرف

غير هوّي وهيّي والليالي.

ما حدا بيعرف قصّتنا

غير أنا وإنت وقمر البحيره...

لوين فيك تروح...

والمدينة إلك

وإنت حارس العيون

وشبابيك الليل السهرانه؟

#كتاب

3 views