Search
  • Jamil Doaihi

كلادس القزي: عيون مشتاقين للحنيّه


فزعانه ضيع

ويضيعو الصور

ويغيب حبيبي

مع هوا الشتي

ومع غيمه سودا يضيعو القصائد

والطير يبكي عا غصن الشجر.

ونبقى سوا

أنا وإنت

وسهر الليل

نتمشى تحت نجوم مضويّه

وتحكي إلي حكايه منسيه

تا يضحمو عيوني

المشتاقين للحنيه .

من زمان

لمّا كانت السما زرقا

واليمام بالفضا الواسع

كان القمر يسرق الحرير

تا يخيط بلوزه بيضا

لونها بلون نفناف الثلج

ويعطيها للأميره

اللي كانو عيونها

سود وكبار

متل الحبر عا ورقا.

وبليله حزينه

غاب القمر من المدينه

وزعلت الشمس

وزعلت المرايه

وبطلّت تحكي لي حكايه

وصار الليل مليان أحزان

عا طول الزمان...

وها الشب المهضوم

اللي كان ينطرني

عا مفرق الوادي

مشتاقه إرجع شوفو...

وشو حلوه غمزة من عيونو!

ولمّا بشوفو جايي

بركض لعندو

تا قلّو: بحبّك

وإطبع بوسه عا جبينو.

#كتاب

13 views