Search
  • Jamil Doaihi

كلادس القزي: شو بيشبهك القمر


حبيبي

كل الصور الحلوين بيشبهوك

وأجمل صوره

هيي اللي بتضحك فيها إلي

وكل يوم بقلّها:

شو بحبّك أنا...

حبيبي

بيلبقلك تتغنّج عا طول

يللي قلبك أبيض متل التلج

يا نغمة سلام

يا ساكن بعيوني كل الإيام ...

عا غيابك

بتحزن المدينه

وبقربك بتفرح

السما

والورده

والياسمينه...

بنطرك

وبشوفك من بعيد

بتحاكي الغيمه

بتغنج النسمه

بتغازل نجوم السما

بتخبّر أحلام الطفوله

وكيف حبّيت

هاك الأميره المهضومه؟

حبيبي

شو بيشبهَك قمر العالي

وعا جبينو انكتب إسمك الغالي

ولمّا بتغمرني

قلبي بيهرب مني

وبيحتار...

ورح قول سر

لعيونك اللي فيهن أسرار

إني عا طول بحبّك

ورح إبقى حبّك

وعليك بغار.

#كتاب

18 views0 comments