Search
  • Jamil Doaihi

الشاعر د. جميل الدويهي: كلما نسْهر


تحت العَريشه كلْما نسْهر

بيصِير عالبرْج القمَر أكبر

بحكي معِك أوقات عالسكّيت

وما بحبّ إنّك ترجعيعا البيت

إلاّ ما إنْحَت خصْرِك المَرمَر.

القامِه طويله... بْخاف إجرحْها

وعالأرض يوقع شالك الأحمَر

وأفكار عندي لمين بشرحْها

يا لابسه الفستان المْكسّر؟

والذكريات لْمين بحْكيها؟

بِكتُب أنا، وبْيعْرق الدفتر

مرّه سأل: شو عَلّقك فيها

وعا غَيرها بتْضلّ تتْكبّر؟

يومين وتلاته زعلْت معْها

صار الشجر بغيابها أصْفر

لْحالي قلت: ما بْريد إقشعْها...

بْرمْت القِفل بالباب، ما تْسكّرْ.

مَنديل عَطيِتني قبل تشرين

غالي... شغْل باريس... بتذكّر!

وشْفافها متل العنب حلوين

وكحْلة عُيونا السيف... والعسْكر.

الرعيان قالو: صوتها موّال

نغمة صَبا، والريح عَم تسْكَر...

النسْوان خِلْقو من مَرا ورجّال

والله خَلقها من قصَب سكّر.

#كتاب

0 views