Search
  • Jamil Doaihi

كلود ناصيف حرب: بالسكت عم حاكيك


كلما بشوفك

بيكون بلّش صباحي

لأنّك إنت شمسي ونهاري.

يسلم هالحلو...

اللي سكوتو بيحكي

وسواد عيونو

حكاية حب غميقه غميقه...

ما إلها بدايه ولا نهايه ...

وهيّي كل الحقيقه.

لفتات عيون أو نغم حنون؟

هيك بفكر فيك

وبالسكت عم حاكيك...

وهيك بحبك...

لأنك بعيد عن إيّامي

وساكن بأحلامي...

وبغمّض عيوني تا إلتقي قيك.

اسمي خلود...

خلود الأحزان.

كيف الحلو اللي ناسينا؟...

خبّرونا الجيران

إنّو ما بقا يعرف أسامينا...

ونحا أسامينا حلوين

مشغولين من دهب وحنين...

وقدّيش قلنا: كتير مشتاقين!...

تاري هوّي عا حدا ما بيشتاق...

ولا بيفكّر فينا.

من هيك زْعِلنا وبكينا...

نغمات سحر العيون

والصوت الحنون....

وكتابي شعر مكتوب

بحبر الشوق والياسمين...

وأجمل حروف كلمة "بحبك"

يا احلى العاشقين.

#كتاب

0 views