Search
  • Jamil Doaihi

كلود ناصيف حرب: جنينه بقلبك


يا ريتنا شمعة ونور...

بحر ومركب...

خريف ومطر...

صوت وصدى...

هيك ما بعرف حالك من حالي...

وبيخلص وجع الروح.

ازرعني جنينه بقلبك

يا حبيبي...

وما تتركني...

العمر بيصير خريف وشتي...

وبْصير بغيابك

صورة معلقه عا حيط الزمان...

ومبروزه بالحرمان.

اشتقتلك قد الاشتياق...

وبحبك لأنّك الحب.

احلى قمرين أنا وإنت ...

وشو بيلبق علينا الحلا!

كل يوم صوره بتبعتلي...

والصوَر تلج وحريق.

كل صباح

بدون حنين قلبك

هوّي ليل بعيوني...

وكل ليل

بدون أحلامي إنت ومعي

بيكون سهر طويل وانتظار....

وهيك أناااا بحبك.

#كتاب

0 views