Search
  • Jamil Doaihi

كلود ناصيف حرب: سرقتْ صوره للحلو


جرح القلب

بيطيب من نظرة عيونك...

ولأنك موسيقى القلب

بيضل يغنّي عصفور الدار...

وإذا شي يوم ما شفتك فيه

بيخلص كل شي

يا عمري أنا...

يا أغلى الأسرار.

قهوتي حلوه...

بتحبّ تغرق فيها؟

روحك الطيبة

خلود الجمال...

إنت الحلا

نازل من شبابيك القمر...

والبحيرة بتنطر

تا يغرق فيها

ويصير احلى السهر.

بيخاف القمر

يغرق بالبحيرة...

وما يعود الليل يعرف

وين اختفى.

االورد إنت جمالو

ولولا حنين قلبك

بيموت العطر...

قلي حبيبي:

كحل الليل ما بيلبق

إلا لرموشك السود الحراميه...

من وقتها عرفت إنّي مطلوبه

لعند القاضي...

لأني سرقت صوره للحلو...

وبروزْتها بعينيّي.

#كتاب

0 views