Search
  • Jamil Doaihi

كلود ناصيف حرب: نسيتْ طَريق البيت


ضحكْتي من فضّه

ورنين العود....

بسّ تكون معي...

كل كلمه

هيّي ورده بكتاب

فيها من عطرَك

يا أمير الحلوين...

لو ما هيك...

كانت دبلت الحديقه

وغاب القمر

ونامت الأميره من الضجر

وخلص نبع الحنين...

عندي من هاك الليله

ذكريات ما بنساها...

وعبير ماشي حواليي

وبيسحرني متل الغنّيه...

وبتذكّر حبيبي شو قال:

جمالِك متمرّد وغريب

متل قصص الخيال.

بس يمرق عطر تيابك

من حدّي

بيسْكرو الليالي

وبهرب لعندك

أنا وخيالي.

متل الحلم

قلتلّي: بحبّك يا صبيّه

وإيدَك عا إيدي حطّيت

ومن وقتها إمّي خافت عليّي

لأنّي نسيت طريق البيت.

وبعتتْ لعندي ورد

من جنينة البال

وكتبتلّي:

هودي لعيونك

اللي هنّي غنيه...

وموّال.

#كتاب

2 views