Search
  • Jamil Doaihi

كلادس القزي: خبّرني حبيبي


حبسْني بغرفتي

وسكّر الباب

وشفت بعيونو

غيرة الأحباب...

ما خطر ببالي

يعتب الموّال

ويحكي

قصه الأميره النايمه

وكيف بقيت سجينه بالقصر

ورا الجبال؟

كانت قمر

ولمّا الأمير فيها انبهر

ضحكو عيونها

وعرقو شفافها

وانقلب السحر لفرح

بدقيقه

وصار حبيبها الحلم

والحقيقه.

بقلب هاك الغابه المهجوره

كانو العسكر نايمين

رسمت الأميره صوره...

ورده وقلبين

وأحلى قمرين

وغيمه فوق الجسر

تكتب بدموع الحبر...

خبّرني حبيبي

من دون عتب...

عا حصان الليل

قطعت وديان

ومن السما قطفت نجمه حلوه

ومن سنين أنا ناطره

تختفي الساحره

وحبيبي اللي بحبو

يغمرني

ونطير عا جناح اليمامه...

ويقولو عنّي:

بنت جهلانه

ولعندك من حالي هربانه.

#كتاب

7 views