Search
  • Jamil Doaihi

كلود ناصيف حرب: كلّ لحظه بفكّر فيك


في ناس ما بينرسمو بالريشه....

بينرسمو بهمس الروح

وبتتعلق صورهم عا الشجر الاخضر

تحت شمس نيسان

وما بيروحو عالنسيان...

واساميهم اغمق من البحر وأكبر...

لا بتنمحى ولا بتتغير.

شو قولك...

قولك اذا التقينا صدفه

رح اهرب منك؟

او رح غمض عيوني

وقلك يا حبيبي؟

كل لحظه بفكر فيك

وقديش صعبه كون معك...

وأسألك وينك؟

وما لاقيك...

بشو عم بيفكر الحلو؟

بحدا غايب؟

باغلى الحبايب؟

يا عيون مشتاقين

كبرت شجرة الحنين

وبعاد نحنا...

ابعد من السما والبحر

ابعد من السحر...

وما معنا من الزمان

غير قصص كتبتها الريح

بكتاب السنين.

#كتاب

2 views