Search
  • Jamil Doaihi

كلود ناصيف حرب: هيك حبيبي رسمني


صوتَك صدى لغنيّة قلبي

ونغمه وهمسه

عا شبّاك الحنين

وعطر الياسمين...

انا والورد...

هيك حبيبي رسمني

وهيك بيشتاق للحرير الغالي

وبيتركلي نغمة حنين

عا شالي.

قلبين حلوين

ترافقو عالطريق...

والطريق صوب الخلود.

كل صورة فيها اسرار

وكل صورة بتقول

متل ما انا بقلك عا طول:

هيك بحبك...

و يا ريت بتعرف قديش بحبك.

اذا حطيتك بعيوني

ما يعود افتحهم...

وشو فيها لو سرقتك

وخبيتك بعيوني؟

في عيون بيحكو عا الهدا...

وفي عيون أغاني

وإنت عيونك

تراتيل.

#كتاب

5 views