Search
  • Jamil Doaihi

كلادس القزي: طير الغربه


عا جناح طير الغربه

ودّيت مرسال...

وشو السرّ

إنك تسأل سؤال

وما تلاقي جواب !!!

وتبقى القصص متروكه عالبواب...

كنت إسهر لطلوع الفجر

إكتب حروف

والقمر نايم ما معو خبر...

كان يقول عنّي :

حشّوره

ومهضومة بذات الوقت

وهونيك بعيد

كانت العصفوره تتغنج عا الزهر

وعند ما تلاقي الناطور

الدني تدور

وتخبّي سر هاك البيت المهجور.

بعد مده

سألت حالي:

مين خبّر هاك الخبريه؟

معقوله طير الغربه

هرب عا الغابه

وشاف مكتوبي؟

هوّي اللي كنت حبّو

وغنجو أكتر من حالي...

زر الورد أقطف إلو

وصنوبر بلدي نقيلو...

كان ينطر بكير

تا يغنّج أميره قصر المير

ويهرب تا يخبّر الياسمين

قديش نام عا مخده حنين ...

وهلق بيقول :

رزق الله

عا طير مطرحو بين أحلى عيون

حبيبي الحنون.

وهاك الطير المحتال

من خبريه ما بتخطر عالبال

عمل مشكل كبير عا هاك الجسر...

وصارت الخبريه خبريتين

وبالسما سهرو قمرين...

وحكايه هاك الطير

متل حكايه إبريق الزيت

مزروعه بكل حي وبكل بيت.

#كتاب

0 views