Search
  • Jamil Doaihi

كلادس القزي: حبيبي صار أخوت


اكتشفت

إنّو حبيبي أخوت صار

ولمّا ودّعتو

غمرني بقوه

وشالي بالفضا طار...

وخبّرني قدّيش بحبني

وبلا وعي

طار فينا الهوا

وضحكنا سوا...

شو بدو منّي ها المجنون

حتى علّقني فيه

وبغمزه عيونو جنني

وسمّوني الناس مرا مجنونه

يمكن لأني حبيتو أكتر من حالي

وهوى اللي كان

أحلى من قمر الليالي...

وهلق لمّا تركتو

صار عندو عيد

وأنا بقيت وحيده

وحزينه

وحبيبي بقي داير

متل جهلان

يغمز نسوان...

ويسحرهن بعطرو

وهنّي انغرمو بسواد عيونو...

ومع إنّو مشغول

مع غيري عا طول

رح ضلّ حبّو

وحبّ جنونو.

#كتاب

3 views