Search
  • Jamil Doaihi

كلادس القزي: غزالة الليل


بالقنطره البعيده

اللي فيها متخبّا الحمام الأزرق

دقيت جراس

ووعيو الناس

صرت إصرخ بالعالي

إذا حدا شاف الغالي؟

غزالة الليل سمّوني

وتحت السما نسيوني

وإحتار الليل بعيوني...

والعتمه البردانه

اللي بلا إحساس

أخدت لي حبيبي ...

وهونيك عا المعقد الحزين

تركتني وحيده

وأنا بنت عنيده

ضليت إسرق ضحكه

من بياع النطره

حتى ضعت بالساحات

وخبّرت حكايات

وهلق قديش مشتاقه لحبيبي

والبسمه الحلوه...

وقدّيش بحلم

وأنا ورقه رقيقه

وهوى قمر الحديقه...

وبشتقلو ألف مره بالدقيقه.

كان يقلي:

حبيبتي

أنا وإنتي

انكتبت أسامينا عا الدفتر الأبيض

قلبي وقلبك

وحبّي وحبّك

وما حدا رح يقدر يفرقنا...

ولمّا كانو عيونو يضحكو لي

ويحكولي

عن الطرحه...

كنت إصرخ من فرحي

وقول: بحبّك يا عيد ...

كنت شوف القمر أحلى من الورد...

وأحلى المواعيد...

كنت أهرب دقيقه

تا قلّو الحقيقه:

حبيبي بحبّك

وكان يغازلني

كلما مرقت من قدّام بيتو

وما كنت صدق إنّو

هلقدّ بيحبّني

وأنا هلقدّ حبّيتو.

#كتاب

2 views