Search
  • Jamil Doaihi

كلادس القزي: لما راضاني غنّى الميجنا


زعل منّي

وعاتبني

وغاب شهور...

ولمّا راضاني

غنّى الميجانا

وهداني علبه

فيها قمر ناطر بالسما...

يا قمر...

قلّو ما يتكبّر

حبيبي هالأشقر...

أنا اللي عشقتو

وأكتر من حالي حبّيتو...

وهوي ضلّ متل الحرامي

بالليل البردان

يبرم عا بيت وبيت

وصار يسرق دهب

وكان بدو يسرق كحلة عيوني...

نسي العنوان.

أنا فرحت

وكتبت قصيده مليانه غمار

وخطفت قلبو

وما عدت تهدّيت...

وعا البرج العالي

ضوو قناديل السهر

وفتّح الورد

عا شبّاك الدار.

وحبيبي

كان تحت الشباك

ناطر شالي العنّابي...

وكرمال هاك الغمزتين

وقعو من السما قمرين

قمر غار عليّي

بس ما حِكي

وقمر سرق قلبي

وتركني أنا والبكي.

#كتاب

4 views0 comments