Search
  • Jamil Doaihi

مريم رعيدي الدويهي: تنين هربانين


بخزانة الأسرار

خبّيت الرسايل

وكمشة صور تذكار

عن مطرح اللي كنّا نلتقي

وعصافير تنطرنا

وتحكي عنّا أخبار...

والنسمه تاخدنا

لبعيد تاخدنا...

وما يخلص المشوار...

وعا غفله

يجي لعنّا الناطور

من دهب الحقالي

سلال يعطينا...

وكنّا نخاف

يضيع منّا الوقت

وتتجرّح قصّة هوانا...

ونصير نركض

والشتي يلحقنا...

وما نعود نعرف طريق البيت...

وكلما يسألنا حدا: مين إنتو؟

نقلّو: نحنا تنين هربانين

من وقت ما عشقْنا.

#كتاب

4 views