Search
  • Jamil Doaihi

كلادس القزي: لمّا حبيبي طلّ


لمّا حبيبي طلّ

زهّر الربيع...

وغنًّى الحسون عالشجر العالي وقال:

يا أميره

حبيبك عاشق العيون...

شو ما لبس بيلبقلو!

وشو ما حكي بيلبقلو!

ولما عيونو حكيو لعيوني

قلت لحالي:

شو هالطلّه البهيّه

ورقص قلبي لمّا تطلع فيي

وغارت منّي الجاره

اللي بتراقب الحاره...

شفتها ملبّكه وتعبانه

ومن زمان ما شافت مرايه...

محبوسه بقفص

وعايشه مع طيور الحديقه

وتا تمشّط شعرها ما لقيت دقيقه...

وقلّي حبيبي:

ما نسيتِك يا أميره

من هيك بدّي آخدك

عالقصر العالي

وتتمختري بين الخيّاله...

كرمالك قطعت المسافات

وأنهار ووديان وغابات

وكتبت إسمك عالشجر الأخضر

يا حلوة الحلوات.

#كتاب

11 views