Search
  • Jamil Doaihi

الشاعر د. جميل الدويهي: طير خايف


من قبل ما يتكسّرو جْناحو ويِطْلع خِلْق تشرين ورْياحو غنّى قصيدة حُبّ للوادي وطيُور سُود تْفرّقو، وراحو... لون الزهر عالمفْرق الهادي شحْطة قلم من شهقة جْراحو والغَيم لابِس مشْلَح رْمادي خُوري انطَفا من الخوف مصْباحو وطُول السَما شِبرَين... وزْياده والوَقت خَيل بْعَاد ما ارتاحو يا ما مرَق من هَون صِيّادي خْيالات إلهُن صوتْ... ما زاحو وإيّام متل سْطور منْعادِه متل الهَوا العَم يرسُم زْياحو يا جُرْح جوّا الرُّوح بتْنادي عاللي ترك جرحين بسْلاحو... ولوين بدّو البلبل الشادي يهْرب عا غابِه... ومطْرَحو هِربان من مَطرحو... والليل مفتاحو؟

______

مشروع الأديب د. جميل الدويهي "أفكار اغترابية" للأدب الراقي - سيدني

#كتاب

5 views