Search
  • Jamil Doaihi

كلادس القزي: بتستاهِل


مبارح قلت:

بطلّ صوبك

يمكن تكون مشتقلي

ولقيت الباب مسكّر...

خطرت الغيره ببالي

وقلت: يمكن علقان

بصبيه ممشوقه بالعالي

بتشبه قصب السكر...

لحقْتك عا المرج الأخضر

ما لقيت الاّ غزاله الليل

هربانه منّك...

وتركتك لوحدك

تبرم عا خيالك...

بتستاهل...

هيك دعيت عليك

ومشيت...

ويا ما تمنيت

تشتقلي مرّه...

ومن هالعين

قبل هالعين

تطوف ميّه جرّه

من حلى الإيام

وجنون الأحلام.

#كتاب

0 views