Search
  • Jamil Doaihi

كلادس القزي: قاضي الغرام


يا قاضي الغرام

هيدي مشكلتي

بيقولو : الحب قسمه ونصيب

وبهالإيام

ما بقا في لا قسمه ولا نصيب

ولا خطبه ولا رفيق

ولا عاشق ولا عشيق

ماشيين فرحانين

عالجسر العتيق...

آه... يا دنيا

أنا مغرومه

وقديش رح إبقى مغرومه؟

بس قدري إنو

حبيبي بعيد عنّي

وقالو: عالجسر في حاجز

وطيور سود ناطرين

عم ياكلو وراق الشجر الأخضر

ونحنا بعدنا عايشين بالقلّه...

وكلمه "حبيبتي"

من فجر التاريخ ما قلّي.

كل طيور العالي رح يطيرو

وما حدا رح يبقي

إلاّ أنا وحبيبي

يا قاضي الغرام

أيمتى رح تاخدنا الإيام

ونكون أنا وحبيبي

ونحكي كلام

ونعيش الأحلام

اللي أحلى من زهر الرمّان

وآه يا زمان.

#كتاب

4 views