الشاعر د. جميل الدويهي: بتطْلع من النسيان

December 21, 2017

 


وحْياة عينَك ما عْرفت رَبّيكْ...
ولا قِدِرت بعد سْنين غيّر فيكْ
مْشربَك، ملبّك متْل بحْر بعيد
ويا ريت بلْعَب سحْر تا هَدّيك! 
ذات الحَكي عا طُول عم بتْعيد
بأيّا لُغه بتْريد تا حاكيك؟
عندي جَمر... عندي شقا وتنهيد
وما ضلّ فيّي روح تا إعطيك 
عا كلّ زِرّ بْشمّ عِطر جديد 
مع مين كنتْ؟ ومين بيلَفّيك؟
وتا إكرَهك عا طول مش بالإيد
بِزْعَل دَقيقه... وبِرجَع بْراضيك...
بمْـحِي صُورْنا... وكومِة مْواعيد 
وقدّيش صعبِه الذاكره تمْحيك...
جْنونَك عا طول الوقت عم بيزيد
كلما قلت: بنساك شي يومين
بتِطْلع من النِّسْيان، وبْراضيك...

__________________

مشروع جميل الدويهي - أفكار اغترابية للأدب المهجري الراقي

Project Diaspora

سيدني 2017

Please reload

أخبار الجالية

كلود ناصيف حرب في لقاء صحفيّ مع د. جميل الدويهي

December 23, 2018

1/10
Please reload

كُتّاب و شُعراء 
Please reload