كلود ناصيف حرب: بحبّك

August 8, 2018

 

لأوّل مرة بقولها

كنت خاف من حالي

من الناس...

وكنت إهرب من الحقيقه...

بس لوين؟

عالصحرا؟

عالغابات اللي ما فيها حدا؟

عا جزيرة بعيده؟

كنت خاف من عيونك...

وما أعرف إحكي

وإتردّد

متل طفله زغيره

بتتخبّا ورا الباب

تا ما يقشعها حدا...

لكن حنين القلب

كان أغمق من كل القصايد

وقدرت بلحظه عابره

إنّي إكبر

وإتغيّر...

والعمر كان عم يوقع من الشجره

سنه ورا سنه... 

قلت: ب ح بّ ك...

وما غلّطت بحرف...

هجّيت الحروف كلّها

وشفت عيونك من بعيد...

عم يلمعو متل نجمتين...

الكلمه صارت سما وأحلام...

وشو بدّي منّك

غير إنّك تبقى معي...

وتعلّق عا بابي قنديل السحر...

وتبقى بأحلامي...

وتبقى بإيّامي؟...

وكلما فكّرت فيّي

لازم تعرف إنّي غيّرت إسمي...

وصار إسمي: بحبّك. 

 

 

Please reload

أخبار الجالية

كلود ناصيف حرب عن "نغمات على قيثارة الحنين

December 9, 2019

1/10
Please reload

كُتّاب و شُعراء 
Please reload