كلاديس القزي: الغابه الحزينه

August 19, 2018

 

ليش بعيونك حزن كبير؟

مين ما عندو ذكريات قديمه؟

وأحزان أكبر من المدينه؟

ما تبكي يا حبيبي ...

ما بيلبقلك العذاب ...

اشتاقو عيوني يشوفوك

ويغمروك

بكلمة فرح...

ووقت اللي بترجع من الغابه

رح إعطيك من الورد شال...

ومن ضحكتي موّال...

وهيك بتتذكّرني...

مع النجوم السهرانين

...وبتنسي الماضي الحزين ...

 

***

 

يا ليل...

ضوّي نجوم السما...

تا يكونو شموع لحبيبي...

وخبّرو عن حبّي

اللي مخبّا بقلبي

من سنين سنين...

وصورة حبيبي جوات الروح ...

ورح إنطرو كل يوم

تا يرجع من الغابة الحزينه ...

 وودّيلو من عيوني ضحكه

هيّي اللي بتحكي...

ويمكن ينسى الوجع شي نهار...

والغابه الحزينه

تصير من الماضي تذكار.

Please reload

أخبار الجالية

كلود ناصيف حرب عن "نغمات على قيثارة الحنين

December 9, 2019

1/10
Please reload

كُتّاب و شُعراء 
Please reload