الشاعر د. جميل الدويهي: عالبال كلما بتطلعي

October 22, 2018

 

 

ليش العتب؟

يا رايحه

وبتحلفي لعندي ما بدّك ترجعي

قديش صرلي بغنّجك ما بتسمعي

وبمْشي معك لبعيد

لكنْ هيئتي ما بتقشعي...

وكلمة زعل بتغيّرك

وبقول: ما بتفْرق معي

لكنْ بعد شي ساعْتين

بْضيع بالغابات

لمّا بشوف إنّك مش معي...

إنتي حقيقه أو أنا عم إدّعي؟

إنتي سفر

إنتي خطر

إنتي القمر...

يا عيونك الحلوين

صرلي سنين بكتبلك حَنين بْمطلعي

وعم غطّس حروف القصايد بالدهب

عالبال كلما بتطْلعي...

وتا ضلّ إكتب شعر أغلى من الدهب

ضلّي معي

ولا تفكّري من البال إنّك تطلعي.

Please reload

أخبار الجالية

كلود ناصيف حرب عن "نغمات على قيثارة الحنين

December 9, 2019

1/10
Please reload

كُتّاب و شُعراء 
Please reload