كلاديس القزي: يا سارق قلبي وروحي

November 2, 2018

  

 يوم بعد يوم

عم بتعوّد عا فراقك

وعند ما بطلت تحكيني

صرت احكي مع صورتك

حبيتا اكتر من روحي

وصار الليل يحن ويداوي الجرح

ومن كتر الحزن قلبي عاش بالعتمة

والجنة بقيت بلا روح

والورد دبل بالغابة

والطير اللي كنت اتلاقى معو

عا شباكي

راح وتركني وحدي مع الضجر

لا عاد غنى

ولا سمعت صوتو

ولا شفتو مع طيور السما...

سافر من البرد والشتي...

عشت الحب

وعشت الخيال

 معك انت

ولما ضعت ضيعتني معك

وصارت المراكب بلا بحارة

والبحر غص بالبكي

 يا سارق قلبي

تواعدنا نبقى سوا

ويبقى حبنا فوق الخيال

وهلق مات الحلم

والأمل ضاع بغصّة الموّال.

Please reload

أخبار الجالية

كلود ناصيف حرب في لقاء صحفيّ مع د. جميل الدويهي

December 23, 2018

1/10
Please reload

كُتّاب و شُعراء 
Please reload