كلود ناصيف حرب: عيونك صلا

November 2, 2018

 

لأنك غير الناس التانيين

لأنو عيونك حنين

وقلبك حنين...

لأنك سميتني حلوة الحلوين

ولبستني حرير وعطر الياسمين...

بحبك انا بحبك عا طول السنين

كل شي يمكن يزغر

هالقمر بيزغر

وهالبحر بيزغر...

إلا حبي الك وحدك وحدك

كل لحظة بيكبر

 يا امير العاشقين...

 وهيك أنا بحبك.

 

كل حرف...

كل سكون فوق كلمه...

كل فكره من مبارح لبكره

 هني صرخة بقلب معبد...

والمعبد فاضي

ولو كنت عم صلي 

اذا ما كانو عيونك هنّي الصلا.

 

كل الصلا؟

كمشة حروف...

 يعني الصلا اسمك يا حبيبي.

 

 قولك رح تخلص السهره

ونروح عالبيت

وتدبل الضحكه؟

أو ... رح نبقى متل المركب والبحر الكبير،

متل القمر والورده

اللي بتسكب عبير؟

 

 

 

 

Please reload

أخبار الجالية

كلود ناصيف حرب عن "نغمات على قيثارة الحنين

December 9, 2019

1/10
Please reload

كُتّاب و شُعراء 
Please reload