مريم رعيدي الدويهي: قصّة حبّ قصيرة

November 15, 2018

 

غلّت يمامه بشجرة العنّاب

وصارت تتسرّق عا تنين حلوين

تسمع أخبارهم

وتنقل حكي...

وتخبّر عن قصّة حبّ

من قصص الخيال...

فرحت الغابه لضحكاتهن

وغارت النسمه من عطر لفتاتهن...

وما عاد الليل يشكي من الضجر...

ولا تعبو العينين من طول السهر.

***

ومن بعد مدّه

نزلت ضبابه

متل تياب الحطّابين

ومحيت صورهم

وتشلّع حلا الإيّام

وانكسر برج الحنين...

ما بقي من هاك الحكايه غير الصدى...

بكيت الغيمه عالمقعد

والزمان تجعّد

عا وراق الورده.

 

Please reload

أخبار الجالية

كلود ناصيف حرب في لقاء صحفيّ مع د. جميل الدويهي

December 23, 2018

1/10
Please reload

كُتّاب و شُعراء 
Please reload