كلود ناصيف حرب: شغف الحبر وعيون مشتاقين

November 17, 2018

 

أجمل صباااااح...

وابتسامه هيي الشمس

والعطر

وشغف الحبر...

ونظره من عيون مشتاقين...

ويا قمر سلم عا اغلى الحلوين.

 

من وقت ما عرفتَك

صار الوحي اجمل...

وعم اكتشف اسرار بالكلمه

ما كنت اعرفها...

اجمل سنين عمري

هالسنين القليله

ويا ريت كانو من زمان 

ويا ريت بْعيش كتير

تا يبقى هالفرح بقلبي.

 

الأيّام جايي

ووعد الفرح عم يكبر

ويكبر

لأنّك معي

وبقلبي

يا شمعة الوفا... 

ونور الليالي الصعبه.

 

بأيا كلمه بيبتدي نهاري

ومشواري؟

يا قمر ما بيرتاح

وما بيريّحني من السهر؟

بتقهرني وانت بعيد...

وانا عم غنّي متل الطير الوحيد

بغنّي لعينيك...

وبخاف عليك

وبسأل حالي:

قولك انا وحالي

أي متى رح تجمعنا المواعيد؟

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload