كلود ناصيف حرب: يخليلي هالقمر

January 23, 2019

 

يخليلي هالقمر

وهالروح اللي عم تحكي من قلب الصورة،

وأسرار عم تخبر أسرار...

ونظرة غميقة فيها أمير حلو كتير. ..

كل يوم بيغزلي حرير...

وبيقلي أنا بحبك قد الكون وأكتر...

والموعد ما بيتغير.

أنا وإنتي وحدنا عالمقعد الأخضر

 بالغابه الحلوة اللي فيها ربينا

وعالشجر كتبنا أسامينا

وما في زعل قادر يمحينا. وهيك بحبك.

 

الاحلى من الوردة انت

وصوتك موسيقى الزمان

كل شي بينتَسى

وانت وحدك وحدك

بتتمرد عالنسيان.

 

بعيد عنك وقريب منك

و شو المشوار؟

غير دقة قلب

وروح بتحكي للحب أسرار؟

 

ضحكتك مرسومه عالحيطان

عالورق الأخضر.

اذا كنت قريب أو بعيد ما في شي بيتغير.

ليش البحر بيصير صحرا؟

أو النجمه اللي متل روحك بتضوي

شي يوم بتوقع وبتتكسر؟

انا هيك بحبك...

 

مشتاقة للمشتاق...

انا وانت ناطرين

مين رح يتلاقى بمين؟

مين رح يضحك لمين؟

يمكن نزعل ويمكن نرضى.

يمكن العشب يطلع عا حروف قصتنا

يمكن ما نعرف كيف بتخلص حكايتنا

كل شي يمكن

إلا كلمة "حبيبي" هيي الحقيقه

وهيي نبض قلبي الف مره بالدقيقة.

وهيك بحبك .

Please reload

أخبار الجالية

كلود ناصيف حرب في لقاء صحفيّ مع د. جميل الدويهي

December 23, 2018

1/10
Please reload

كُتّاب و شُعراء 
Please reload