كلود ناصيف حرب: ابعتلي ابتسامه

February 16, 2019

 

 

بتعرف قديش عيونك حلوين

بيكتبو كلام الحب هني وساكتين...

يخليلي قلبك وصباحك

وكل لحظه بحياتك لحظة حنين.

 

ما بحب صورة انت مش فيها...

لا تبعت ورده،

ولا حديقة،

ولا عالم،

ولا مجرات بعيده.

ابعتلي ابتسامه من عيونك.

 

سلام من سما الورد

لسما صباحك الحلو يا حلو.

 

اول حرف من اسمي

واخر حرف من اسمي

هني اسمك.

 

بيعذبني حزن عيونك...

وقديش في حنين بهالسكوت؟

قديش في كلام وقصايد

مخبايين ورا هالنظره؟

وجع اللحظه عم يحكي ويقول:

انا ومعك اشتقتلك

وانا وبعيده عنك اشتقتلك...

وما قلتلك اني بحبك

بس انت بتعرف انك حكايه حلوه

مكتوبه بحبر عيوني

وبسهر جفوني.

اهمس لي يا حبيبي

تا اسكن بنجمه

وامشي بين السما والارض...

بحب اغفا عا كتفك...

ابكي عا ايديك...

اصرخ من حنيني الك:

انت الاول والاخير.

انت قدر حلو كتير

واكتر من هيك بكتير بكتير

انا بحبك.

 

 

 

 

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload