كلود ناصيف حرب: قلّي إنتي حلوه

February 20, 2019

 

هالصوره بترجعني زغيره...

بتخلصني من الزمن اللي رايح

وكلّ زمن بيروح لعندك...

بيوقف عا بابك

وبيغلّ بتيابك...

صوره وحيده بتقلي:

لا بقا تكبري.

روحي لعندو وقوليلو:

إنت حبيبي...

خلي هالكحل يزيح من محلو

ويهرب الخوف...

غمره وكلمه وبسمه

يكونو كل الوجود...

ونصير نحنا بوسة حنين...

وغنية خلود.

 

بس ينامو عيونك

شوفني بالاحلام...

الحلم ما بينام

اهديني ورده...

كلمه...

وقلي انتي حلوه

تا تحلا الايام.

 

غيابك حنين...

وأنا والقمر عالشباك ناطرين.

هيك بتغيب عني دقيقه...

والدقيقه أطول من سنين؟

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload