كلود ناصيف حرب: مرفأ الحنين

February 20, 2019

 

يا ريت عا مرفأ الحنين...

بيتلاقو المحبين

تا يقولو كلام هوي فرح السنين...

ما التقى متلو بكتاب

هوي العاصفه

والشمس

والبحر

وعطر الياسمين.

 

يا ريت نظره بعيون حبيبي

وإغرق وما عود أعرف إرجع... 

سكوت متل هدير الغابات بالشتي...

إيد بتلمس إيد

ويصير الحنين بلاد

فيها نجوم وقمر وسهر...

هلقد نطرت هاللحظه

وهلقد اشتقتلك.

 

انا عروس الحنين

والوفا

والانتظار ...

وعا مرفأ شاطىء الأحلام والأشواق

بنطرك...

ما تتأخر.

Please reload

أخبار الجالية

نغمات على قيثارة الحنين في عرس الأعراس الأدبيّة "عطر الياسمين"

February 21, 2020

1/8
Please reload

كُتّاب و شُعراء 
Please reload