كلود ناصيف حرب: قلبي بيصير حديقه

March 11, 2019

 

 

قلبي بيصير حديقه

بس اضحكلك...

الضحكه بترن متل الفضه...

متل اسوارة لبستها بالحلم

وسمعت حدا عم بيدق عالباب...

هيدا حبيبي

يعني إنت إنت إنت

يا ريت كنت جايي لعندي حقيقه...

بس حبي الك حقيقه...

وكل شي بيتغير الا هيي...

يللي اسمك بقلبي غنيه.

 

انت بعيوني...

وسبب ضحكتي.

 

ماشي وعم فتش عليك

انت عا اي كوكب فليت؟

مهما تروح... ومهما تغيب

بقلبي بتضل 

وعيونك إنت حبيت...

 

احلى كلام كلام عيونك...

احلى سلام هدوءك وجنونك.

يا ريت فيي التقي فيك

تا عطري يتغلغل فيك وبين رموشي تغيب

وما لاقيك.

ليش تا تكون هلقد بعيد؟

حنينك حلو...

بس الحنين جرح

ونغمة طير وحيد...

ومن هونيك لهون

ما فيك تلبسني الفرح اسوارة بالايد..

يا ريت قريب مني بتكون...

واقرب من حالي عا حالي تكون

تا اشرحلك من دون حكي

بنظرة من العيون

قديش انا بحبك.

 

 

Please reload

أخبار الجالية

كلود ناصيف حرب عن "نغمات على قيثارة الحنين

December 9, 2019

1/10
Please reload

كُتّاب و شُعراء 
Please reload