كلود ناصيف حرب: ورده عالبيانو

April 2, 2019

 

صباح الخير والسعاده

من سيدة الحنين

ومرفا عيونك اللي هني كل الحنين...

الك وحدك وحدك وحدك

كل الحنان

ولعيونك اشواق قد البحر.

 

مبارح متل هالوقت

سمعت حنين الطير

من جنينة احلام

وعطر غالي كتير...

والقمر عالشباك قلي:

شو بكي

يا هالصبيه ملبكي؟

قلت: الامير ما طل عليي

وما لمس ايديي

وانا بغيابو اميره بقصر...

بس ما في دهب

ولا حرير عم يلبق عليي .

 

ورده عالبيانو...

والبيانو هديه من البنت الزغيره

اللي عيونها حلوين

وكبرت وصارت سيدة الحنين.

 

أنا والناس ما بلتقي بالناس

بلتقي بصوتك...

بعيونك...

وبخاف حدا ياخدك

وما عود لاقيك

من هيك بين كحلة عيوني... وعيوني

عا طول بخبيك.

 

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload