كلادس القزي: إذا جمعتنا الصدفه

April 24, 2019

 
أنا وين وإنت وين؟ 
وإذا تلاقينا صدفه 
بتكون الصدفه جمعتنا 
واذا ما تلاقينا بتكون زعّلتنا
ومنفترق من قبل ما نتقابل
وننفصل من قبل ما نعتب...

أنا مش رومانسيه 
ولا بعرف بالنوته الموسيقيه
أنا بنت جبليه
وبخربش الحروف الأبجديه
ومن ها الحروف 
ما بعرف الا حرفين 
بيكتبوهن العاشقين

اللي عالجسر ناطرين...
كلمه "حب "اللي هيّي سرّ الحنين
حرفين فين عذاب وألم وأنين
ما بيتلاقو صدفه 
الا اذا اجتمعو العشاق
وما في حب 
بدون ما يدق القلب...

وها الحب اللي بيعذّب كتير 
صبر أيوب ما تحمّلو 
تجرَّب بالوجع والالم 
وفقد الكبير والزغير 
والقلب صار حزين
حتى حنّ الأمير عليه 
وصارت أحلى السنين...

وانا ناطره الصدفه 
تا تجمعني بحبيبي
والحنيّه تصير غنيّه
ومراكب الصبر رح توصل لبعيد
لشط المواعيد...

وأنا وحبيبي نكون الفرح والعيد.



 

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload