مريم رعيدي الدويهي: بعيدَك (إلى د. جميل الدويهي)

June 10, 2019

 


أنت وراجع من سفر الكلمه
عا جبينك حبر الوديان
وضو القمر عم يطلع من سطور
كانو وجع الليل
انكرّ خيط القصايد من قميصك
وعطر "أراميس" اللي بتحبو
غرق المدينه
وسألو أميرات عنك...
سرقتك من الصلا
وهربت فيك عا أبعد من طروادة
حبستك بالحلم...
وما خليت حدا يعرف وينك...
وصليت تا ينمحى عذاب الإيام
عن جبينك العالي...
يا جبل بعيد
قدّيش إلو عم يتساير مع نجمه...
معك يا أمير القصايد
صارت القصيدة قمح وبيادر
وتعب الحصادين... 
ومن شبّاكك بينزل الوحي
تا يغطي الطرقات والشوارع...
أيا كتاب إنت؟
أيّا غنيّه؟
أيا حكايه عن الفجر والحرّيّه؟
والكتب صارو قطيع
من غيم ودهب...
واللي انكتب
بالسحر انكتب...
والعيد طفل زغير 
عم بيعربش عالحيطان...
عم يغلب المسافة
وبتصير الحروف أعراس...
وإنت متل المارد
عيونك ابتسامه
وكنوزك حنين وغضب.

Please reload

أخبار الجالية

كلود ناصيف حرب في لقاء صحفيّ مع د. جميل الدويهي

December 23, 2018

1/10
Please reload

كُتّاب و شُعراء 
Please reload