كلود ناصيف حرب: متل حلم الفرح

September 30, 2019

 

ما في ورد بالسوق

قطفتلك ورد من قلبي...

مش هالمره بس...

كل مره

يا احلى جنينة ورد بعمري.

 

رح قلك اليوم

وبعد اليوم:

انت انت انت

كل نبض القلب

وحنين الروح...

لبِستَك انا متل تياب الحرير...

وصرت غني الك

مع فيروز

وابعتلك حمامه

تا تقلك: انت احلامي

والعمر اللي قدامي...

 وهيك بحبك.

 

إنت نجمة حروفي

وضو الحبر

عا سطور الخلود...

سألوني الناس عنك

جاوبت: إلو وحدو 

غنّت حروفي.

 

من قلب جرح العمر

مرقتْ متل حلم الفرح...

وتيابك البحر والكلمه

يا ريت برْجع للطفوله

وتمرجحني عا ايديك

وما خليك تكبر

وقلك: انا هيك بحبك...

واكتر من هيك.

 

 

 

Please reload

أخبار الجالية

كلود ناصيف حرب في لقاء صحفيّ مع د. جميل الدويهي

December 23, 2018

1/10
Please reload

كُتّاب و شُعراء 
Please reload