كلادس القزي: الحرف الفينيقي

October 16, 2019

 

أنا ما بعرف اكتب متل جبران 
ولا بعرف اكتب متل جميل 
بس بحب أكتب الحرف الفينيقى 
الحرف اللي مزين بالحب الجميل...
لولا الحرف ما كان حبيبي قلي: بحبك 
ولا كان تغزل فيي بجمله مفيده  
ولا ودا إلي رساله عا جناح طير الغابه...
ولا كان رسم عا السماء الزرقا حرفين أسامينا...
ولا كتب عا رمل البحر : حبيبتي...
طيب بأي لغه المفروض كان حاكاني؟
لغه العيون عا الاكيد وهيي الأساس 
آخ منو ها القلب شو عنيد
كيف  اكتشف سر الحنين؟ 
وشو نفع ها اللغه اذا ما في كلام 
ولا كلمه تعبر عن الإحساس؟
مثلا اذا قلت: حبيبي انا بحبك...
أو اذا قال: حبيبتي انا بحبك...
بصير بالضيعه مهرجان 
والفرحه بتغمر أهلنا 
وبقدمو لنا  
خواتم لولو ومرجان ...
منصير نرقص بعرس قانا 
مع الامير الحنون والحب المجنون...
وكيف ركبت كل  ها الحروف؟ 
هيدا لغز ما كان حدا يقدر يكشفو 
الا ذكا الانسان القديم 
ولو بقي الحرف لهيدى الايام 
كان غرق بالبحر مع مراكب غرقانين... 
او كانو رميوه بشي وادي
تا يعتق متل ما بيعتقو السنين.

Please reload

أخبار الجالية

كلود ناصيف حرب في لقاء صحفيّ مع د. جميل الدويهي

December 23, 2018

1/10
Please reload

كُتّاب و شُعراء 
Please reload