كلادس القزي: سافرو عا أبعد مدى

November 14, 2019

 

غيوم سودا احتلت هاك السما 

والخريف عرى الشجر الأخضر  

وين اللي كان  بقلب هاك البيت السعيد ؟

وين اللي كان قلبو مليان حنين ؟

تخمين هرب من ظلم  القدر

وبقي  طير مشرد عا بواب السفر 

فزعان من صياد يلحقو  عا الطريق...

صارت الأسامي مكتوبه عا شطوط النسيان

وحملنا بيوتنا وصورنا...

وحكايات الزمان...

وتركنا الورد زعلان .

وما عاد عم يضوى القمر ...

حزنت كتير 

 وترجيت الأمير 

تا يرجعلي الطفوله

ومدينه زغيره حد الغيم...

عطاني شموع الحنين

اللي ما بتنطفي عا طول السنين.

..............

 

جربت اشتري ضحكه 

من دكان النطرا

لقيتها هربت مني وتركت إلي  

دمعه ورا دمعه 

وصار النهر حزين

والشعر حزين

حبيت لاقي حدا إشكي إلو همي 

ما لقيت إلا خيالي

 ناطر عا الطريق ... 

سالتو : لوين رايحين؟

 وليش نحنا مشردين

متل طيور هربانه

من برد تشرين ؟

والعمر ما الو معنى

الا ما نرجع لجبالنا الخضرا...

وبيوتنا الحلوين ...

 

               الإمضاء: كلادس القزي .

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload