كلود ناصيف حرب: بخاف من موعدين للسفر

November 18, 2019

 

زيحِي البردايه

بتشوفي القمر

ناطر تا يشوفك

ويحكيلك حكايه.

 

شو بعْمل بجوز عيون

بيلحقوني عالطريق؟

بيقولو: تعي لهون...

وانا بخاف من جرحين

موعدين للسفر

والبحر شو غميق!

عيون بيربّوني عا ذوقهن...

 بيعلّموني

وما بحب المدرسه

بفكر فيهن وبخاف حاكيهن...

بيأمرو عليي وبيقولو:

"شايف شو عاقلين؟"

وبأول نيسان

لا قبل ولا بعد 

بيكونو عيونك مش قاسيين...

بس هيك بحب عيونك.

 

هالشمعه المضويه

وهالنسمه الربيعيه

بيذكروني بالخلود...

بيذكروني فيك وفيي.

 

اشتقتلّك أنا كتير

وزعلت من وقت اللي قالو:

ضاع الأمير... 

وركضت بالغابه

أنا وعذابي...

وشفت اسمك عالشجره العتيقه

وهونيك صورتي أنا وياك

والحب الكبير.

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload