كلود ناصيف حرب: يسلملي جمالك

November 23, 2019

 

وشوشني حبيبي وقلّي:

يسلملي جمالِك

وعيونك الحلوين...

والناس كانو كتار...

ما قدرت احكيلو

عن وجع السنين...

وقديش كنت مشتاقه لغمره...

وعا بلوزتي الحمرا

يسرح عطر الحنين.

 

أنا سيّدة الحنين الجميل...

وحنيني عطر الصبح

عا شباكك العالي...

 

 قلبي ودقاتو...

موسيقى حنين

وضحكة عيوني

كلما شوفك

معزوفة ياسمين.

 

يسلملي سحر كلامك

وصوتك الاحلى من سيمفونيه...

موسيقى كلاسيكيه 

بتحلّي الايام...

يا الإنت المدى

الصوت والصدى

وضحكة الأحلام...

 

تحت الشتي

بخاف إغرق عالرصيف

وبحْمل شمسيه

صبح وعشيّه...

ومع هوا الخريف

شمسية عيونك

بيحموني من البرد...

وكيف ما بحبّك هلقد

وإنت القَبل

وإنت البَعد؟

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload