كلادس القزي: رسايل غرام

وعدي إلك

ما إتركك  

لو غبت بعيد 

ولو عتمت الإيام 

والربيع سافر

عا مدن بعيده...

وابقى بلا نوم شهور 

لو وقفو البشر

تا يبعدوني عنك 

وحبسني العسكر 

بزنزانه من حديد...

رح إصرخ بصوت عالي

وقول:

إني بحبك...

وعا طرقات المدينه 

إحمل يافطه 

مرسوم قلبي وقلبك بالحمرا 

ورف حساسين ناطرين 

وشو مهضومين 

عا شباك النطرا 

ويكونو لنا مرسال الرسايل...

عا بيادر القمح إرسم صوره

عا سطوح البيوت 

خيط طياره ورق 

مكتوب عليها:

إني بحبك 

إني بحبك 

تا يخلص العمر

يا أغلى أمير عا قلبي إنت...

وغني لك

"وما عمرى حسّيت 

إني هلقد حبيبت 

اشتقت إلك ...

حبيبي 

اشتقت تغمرني 

اشتقت اسمع صوتك 

وتقلي :

بحبك 

حبيبتي ...

ولا تلومني اذا شي مره نسيت 

إبعتلك باقه حمرا

بكون عم اكتبلك رسايل غرام 

عا قد ما قلبي في حب

وحبي إلك أكبر من الأحلام.