كلادس القزي: كان عندك حقّ

January 6, 2020

 

قلي: يا عيوني 

بشو مشغوله؟

قلتلو: جايي إبن عمي 

يطلب إيدي

ويقدم لي محبس الخطبه

وساعه جديده...

 

كان عندك حق 

عندما ما بطلت إحكيك

ولا إسأل عنك...

قلت: لازم ما إلتقي فيك 

وكل شي بيناتنا إنتهى... 

ومكتوب زغير متروك عا الرصيف

هوى النهايه 

وقصتنا حكايه منسيه...

 

وهيك افترقنا

ما عاد سأل عني

ولا تذكر العنوان

ولا قال: ها الأميره

وين ضاعت بها الزمان؟

إذا كانت فرحانه

أو زعلانه

أو إذا لبست الطرحه أو الفستان

وركبت عربيّه مع جراس وغزلان...

أو إذا في هيصه وزمامير  

ورشو الورد عا أحلى عرسان.

 

بس الأميره كانت بحلم

من وقت ما راح

وبقيت عا شباك النطرا

والدمعه ها خدها

بتكوى متل الجمره...

ناطره القمر 

ينزل لعندها

يخبرها عن حبيبها 

وإذا كان راجع بعد الغيبه

تا تعاتبو؟

وليش تركها وما سأل عنها؟

وكيف دبل الورد بغيابو؟

 

 

Please reload

أخبار الجالية

كلود ناصيف حرب عن "نغمات على قيثارة الحنين"

December 9, 2019

1/10
Please reload

كُتّاب و شُعراء 
Please reload